Desde a Biblioteca queremos animarvos un ano máis
a participar nun novo reto para
compartir tempo en familia durante este Nadal.
Podedes consultar aquí as bases do
concurso e toda a información.
Haberá premio para os mellores
traballos.
Animádevos a concursar!
Chega o Nadal e esta é unha época perfecta para gozar dunha boa lectura.
Dende a
Biblioteca, Cora quere ofrecervos algunhas recomendacións que podedes incluír
na vosa lista de desexos para o Apalpador, Papá Noel ou os Reis Magos, porque un
libro sempre é un bo agasallo.
Bo Nadal e Felices Lecturas!
Esta
mañá visitounos de novo Claudia, a mamá de Amelia Luchón, para dar unha charla
ao alumnado de 3º sobre alimentación e
hábitos saudables.
Trala
información, as nenas e nenos fixeron unha actividade moi interesante por
equipos, que consistiu en clasificar alimentos para obter o gran prato saudable
da nosa dieta.
Foi
unha charla moi amena e desde a Biblioteca agradecemos a colaboración de
Claudia na educación da nosa rapazada.
Como remate á lectura de A señorita Bublle. Deus salve as raíñas, o alumnado de 5º puxo fin a este primeiro trimestre no club de lectura coa degustación dun “té con pastas” ao modo dos ingleses.
Despois de comentar os últimos
capítulos do libro, entre todos os participantes montaron un quebracabezas
colaborativo e remataron a sesión tomando o “té”/zume con pastas.
Foi unha boa maneira de pórlle un
broche final ao trimestre.
Xa vos iremos informando de cal é
a seguinte lectura escollida.
A ver se gusta tanto coma esta!
Hoxe tivemos unha tarde moi
especial porque nais, pais e alumnado viñeron decorar a biblioteca para o noso
proxecto de centro, A viaxe que nos une.
A colaboración entre a biblioteca
e a ANPA materializouse nun concurso aberto a toda a comunidade educativa para
que cadaquén puidese aportar a súa particular visión arredor da temática deste
ano.
A resposta das familias foi
marabillosa e o resultado magnífico.
Estades convidad@s a visitar a biblioteca
e comprobar o fermoso que quedou todo.
Moitas grazas a todas e todos pola vosa participación!
O 3 de decembro conmemoramos o
Día Internacional das Persoas con Discapacidade ou Diversidade Funcional.
Desde a biblioteca queremos reafirmar
o compromiso da nosa escola coa defensa dunha educación pública e inclusiva,
baseada nun modelo social diverso, que rexeita plenamente calquera tipo de
discriminación, segregación ou exclusión.
Por iso, estes días Cora fixo
unha pequena selección de lecturas para que todas e todos poidamos reflexionar
sobre o tema.
Pasade pola biblioteca e collede
o que queirades.
Despois de ter adiado a
actividade en dúas ocasións por motivos alleos á nosa vontade, por fin esta
mañá o alumnado de 5º visitou a Biblioteca Luis Seoane na xa habitual
colaboración entre a entidade municipal e a nosa biblioteca escolar.
Coma sempre, fomos recibidos con
esa alegría e vitalidade tan propias de Mar e a amabilidade do resto das traballadoras
da biblioteca pública, facendo que sempre sexa un gusto participar nas
actividades propostas.
Tras afondar no coñecemento das
instalacións e xogar cos títulos e os argumentos que hai detrás das portadas
dun libro, a rapazada divertiuse moito participando nunha actividade de
boockface.
Grazas a todo isto, seguramente
esta mañá aumentou o número de socios da biblioteca municipal.
Moitas grazas a Patri pola súa proposta e a boa acollida!
O pasado
xoves, 30 de outubro, e como xa ven sendo habitual, o alumnado de Infantil, 1º,
2º e 3º asistiron a unhas sesións de contos de medo a cargo do alumnado de 4º,
5º e 6º de Primaria.
Foi unha
boa maneira de pechar as celebracións destes días de Samaín.
Moitas
grazas a tódolos participantes!
Deixámosvos aquí algunhas desas contadas. Só tendes que pinchar no título ou na portada do conto.
Aínda que se teñen dado moitos
avances e progresos, inda queda un longo camiño por percorrer e moitos esforzos
por realizar para lograr a efectiva consecución deses dereitos en moitas partes
do mundo.
Desde a biblioteca, Cora quere convidarvos a revisar eses dereitos e concienciarvos da necesidade de loitar xuntas e xuntos para acadar a súa efectiva consecución.
En novembro
celebramos o Mes da Ciencia nas Bibliotecas. Aínda que desgraciadamente non hai
demasiadas publicacións na nosa lingua, Cora fixo unha selección de libros nos
que poder consultar, aprender e experimentar.
Animádevos a pasar pola Biblioteca e iremos ampliando a escolla durante os vindeiros días.
Alumnado de 5º de primaria está
xa compartindo tempo e intercambiando impresións no noso club de lectura
Compartindo Aventura.
A súa primeira escolla foi o
libro de Ledicia Costas A Señorita Bubble. Deus salve as raíñas.
En tempos de recreo intercambian
as súas impresións sobre o texto, as ilustracións, as emocións que lles
transmite a historia,...
Son moitas as nenas e nenos que
xa levaron algunha das súas recomendacións para a casa, pero inda temos moitas
máis.
Pasade pola biblioteca e
escollede o que máis vos preste!
Hoxe conmemoramos o Día das Escritoras cunha exposición na
que quixemos dar a coñecer o nome de diversas escritoras de todo o mundo.
Compartiremos libros, lecturas,
pensamentos, opinións, xogos,,, e estamos seguras de que o pasaredes xenial.
Animádevos a anotarvos!
