A biblioteca énchesde Ciencia en galego!

No ano 2001 a UNESCO declarou o 10 de novembro como Día Mundial da Ciencia para a Paz e o Desenvolvemento

Por este motivo, desde hai oito anos o profesorado de Galicia comezou a celebrar en novembro o Mes da Ciencia en Galego. O obxectivo desta conmemoración é o de mostrar que a lingua galega é útil e tan válida como calquera outra para facer pescuda, ensino e divulgación científica.

Pola nosa banda, Cora fixo a súa selección de lecturas para tal ocasión. Vinde á biblio a botar un ollo, seguro que atopades algo do vosos gusto!

 

Contadas de Samaín

Na nosa escola non hai nada máis tradicional que as Contadas de Samaín, nas que a rapazada dos cursos superiores amosan o aprendido e a madurez adquirida ao longo da súa escolarización, preparando con esmero e seriedade contadas de Samaín para o alumnado máis cativo.

A todos nos chega ese momento na escola, no que nos facemos maiores e nos toca seguir a estela dos que marcharon. Desta forma agradecemos tamén o tempo e o cariño que invertiron en nós as anteriores xeracións.

E sen máis romanticismo... A rapazada de 4º, 5º e 6º deleitaron ás compañeiras e compañeiros de Infantil e do 1º ciclo de primaria cunha terrorífica selección de contos, que teatralizaron con moita soltura!

     

Mochilas e Bolsas Viaxeiras!!!

Se aínda non vos visitaron, sabede que pronto o farán. Xa están en marcha as mochilas e bolsas viaxeiras! Van cargdas de lecturas!!! 

O alumnado de Educación Infantil leva bolsa viaxeira. 

 

 O alumnado de Educación Primaria leva Mochila Viaxeira.

 

 

 Lede e gozade das lecturas e do tempo xuntos!

Nova tempada de Radio Negueirós!

Atención! Estreamos nova tempada de Radio Negueirós, a radio que fala coma nós. Seguídenos e estaredes ben informados do que pasa na nosa escola.

Neste episodio, o alumnado de 6º dedica o programa á conmemoración de Samaín, comparten datos curiosos, adiviñas e... unha historia de medo!!!!

             

Agardamos que vos guste!

Club de Lectura de Alumnado!

Arrancou o Club de Lectura Compartindo Aventura para o alumnado de 4º e 5º de primaria e de 6º de primaria.

Os de 4º e 5º reúnense quincenalmente cada luns.

Na 1ª sesión compartiron conversa sobre gustos literarios, así como sobre os motivos que os levaban a participar no club. Logo escollemos a lectura coa que queriamos comezar e, xa na casa, decoraron as portadas das súas libretas de notas. Amelia fixo un precioso acróstico sobre o que significa para ela pertencer a un club de lectura. 

Este luns celebramos unha 2ª sesión para debater sobre o libro Neko, unha obra sobre un tema moi serio, o maltrato e a violencia contra as mulleres, aínda que con toques de humor e moita tenrura. 

                      

A este grupiño xeitoso dámoslle as grazas por participar e desexámoslles Felices Lecturas!!!

Arranca o Club de Lectura!!!!

Dende que abriu as súas portas a nosa biblioteca está imparable. Na tarde do xoves acolleu as participantes no club de lectura de persoas adultas!!!

As participantes, acompañadas da moderadora, mantiveron unha animada charla sobre as súas experiencias lectoras: libros lidos, participación noutros clubs de lectura, preferencias lectoras, e o máis importante, a súa relación coa lectura ao longo da vida (de nenas, de adultas, na escola, coas fillas e fillos, etc.)

Seguidamente pasaron a elixir a primeira lectura deste curso, que será... 

 

Agardamos que lles guste!!! 

Ah, e xa temos nome para o Club: Mouchiñas Lectoras! Que vos parece?

Teatro en Samaín

O mércores 28, o alumnado de 1º e 2º de primaria tivo a sorte de asistir a unha obra de teatro na biblioteca.

                                        

Esta pequena e terrorífica peza teatral foi interpretada por un grupo de nais (Lucía, Yoli, Lorena e Cris), que o fixeron de MEDO!!!!!!!!

A obra titúlase: As catro Monstros e é unha idea orixinal de Cris. Aquí podedes vela e comprobar o moitísimo que gozou a rapazada.

Agradecemos de todo corazón esta colaboración tan divertida!!!!

Día das bibliotecas

Recén celebrado o día das bibliotecas, o pasado 24 de outubro, hoxe o alumnado de 6º pasou unha sesión na biblio.

Acompañados do Teacher, fixeron uso da radio. Mentres uns gravan outros practican.

 

 

Teñen entre mans unha actividade internivel. Os maiores gravan para os compis doutros niveis unhas adiviñas en inglés, relativas a Halloween e as súas critaturas... 

Agradecemos que veñan facer uso da biblioteca e as súas ferramentas!!!

Recoñecemento da Fundación Pública Galega de Medicina Xenómica

Trala organización dunha carreira solidaria o curso pasado, na que se recadaron 926€ para a Fundación Pública Galega de Medicina Xenómica, Loli Beloso, organizadora do evento, e o propio Doutor Carracedo, fixeron entrega do recoñecemento ao noso centro.

O acto tivo lugar na X Festa da Investigación de Tomeza en prol da Fundación Pública Galega de Medicina Xenómica.

Dende o noso centro, damos as grazas á Fundación, á organizadora e ao Doutor, polo seu traballo, e un grazas especial a rapazada e familias por facelo posible.

Grazas!

Un Universo de Escritoras

O pasado 19 de outubro conmemoramos o Día das Escritoras, iniciativa organizada entre a Biblioteca Nacional de España, a Federación Española de Mulleres Directivas e Executivas Profesionais e Empresarias, e a Asociación Clásicas e Modernas. Dende os seus inicios busca reivindicar o labor e o legado das escritoras a través da historia.

Dende a nosa biblioteca partiu a iniciativa de investigar unha escritora, e como o noso proxecto de centro versa sobre o universo, sería fantástico se descubrísemos escritoras que dedicaron as súas obras a esta materia.

As aulas recibiron a iniciativa con entusiasmo e traballaron duro para alcanzar o resultado que vos amosamos a continuación.

Agardamos que vos guste!

 

Lecturas de Medo!!!

 

Coma todos os anos, Cora empezou a seleccionar algúns libros para conmemorar esta data do ano. Intentou que tódalas criaturas tiveran un lugar destacado na sección de suxestións. Hai para todos os gustos!!! 

Téndelos xa á vosa disposición no panel de exposicións da biblioteca.

Visita de Brazolinda!

 

O pasado luns a rapazada de 6º recibiu a visita do proxecto Brazolinda, baseado no deseño e fabricación de xogos de mesa en galego. Esta actividade foi proposta polo Equipo de Dinamización da Lingua, tivo lugar na nosa biblioteca.

Os xogos elixidos para esta ocasión foron:

A noite do meigallo (adiviñas e rimas).

Sálvora (baseados en feitos reais).

O gatipedro (lendas galegas).

A fume de carozo (no que se encargarán de gardar un segredo).

O alumnado de 6º  veu aprender e será o encargado de ensinarlles a outras  compañeiras e compañeiros. Esta é unha pequena mostra de como lles foi:

 

 

      

 

 

 

 

 

 

Agora deberán rematar a misión: xogar con outros cursos!!! 

Familias na escola

Hoxe recibimos unha visita moi especial: a nai de dúas alumnas. Encántanos que veñades de visita e colaboredes co noso alumnado!!

O tema da charla foi: a alimentación. O noso alumnado aprendeu a clasificar os alimentos e a importancia tanto dunha alimentación saudable, como de saber elixir os alimentos e non deixarnos enganar pola publicidade.

 

 

A rapazada disfrutou da charla e amosouse participativa e interesada.

 

 

 

Unha vez máis, moitísimas gracias por vir!!!

Clubs de Lectura

 Arrancamos cos Clubs de Lectura!!!! Escollede o voso e participade!!!

 

Polo, o monstro que quedou sen roupa!!

 Hoxe Danae leunos o conto: Polo, o monstro que perdeu a roupa.

 

Logo ensinounos unhas marionetas chulísimas feitas con calcetíns.

Explicounos que iamos crear a nosa propia marioneta, parecida a Polo, o protagonista do conto. Para iso, precisabamos uns calcetíns e un montón de material: cartolina, olliños, etc.

O primeiro paso é facer unha boca con cartolina, utilizando a silueta da nosa man.

 

Despois, damoslle volta e botamos pegamento para pegar a boca.

Eliximos gomaeva da nosa cor favorita para facer o interior da boca.

Volvemos darlle a volta e colocamos a nosa boca de gomaeva, botando un pouco de cola.

Seguidamente toca porlle ollos, pelo, antenas... Decoramos ao noso gusto!!

Mans á obra!!!
 

 Depois de tanta creatividade... Este foi o resultado!!!