Como xa é habitual por
estas datas, un ano máis dende a Biblioteca animámosvos a participar no noso
tradicional Reto de Nadal para toda a familia. A proposta deste ano consiste na
creación dun poema en formato libre (poema
en verso, caligrama, acróstico,...) sobre o Nadal.
Podedes consultar aquí as bases e toda a
información.
Haberá premio para os mellores traballos de cada nivel.
Animádevos a concursar!
O Nadal é tempo de reunións, felicitacións e agasallos.
Dende o Equipo da Biblioteca ofrecémosvos algunhas recomendacións de
lectura para que poidades incluír na carta ao Apalpador, Papá Noel ou os Reis
Magos.
Bo Nadal e Felices Lecturas!
Hoxe Leticia Barreiro, unha mamá do noso cole e profesora de Tecnoloxía, estivo na biblioteca escolar para ofrecer unha charla informativa ao alumnado de 4º de Primaria sobre os pros e as contras das Novas Tecnoloxías.
Resultou unha charla moi interesante e formativa para todas e todos.
A actividade encádrase dentro de programa de Lectura e Familias, coa que buscamos a implicación da comunidade educativa no proceso formativo do noso alumnado.
Dende o Equipo de Biblioteca agradecemos a Leticia o seu tempo e compromiso coa nosa escola.
Ambas prepararon unha serie de actividades e experimentos que poderedes atopar nos libros da nosa biblioteca e cos que as nenas e nenos de 1º de Primaria quedaron encantados.
Para rematar a xornada levaron a cabo un pequeno obradoiro de adorno de galletas de Nadal. Estaban riquísimas!
Chegamos ao tempo de Nadal. Así que... vos apetece escoller algunha lectura relacionada con esta época, no panel de suxestións xa tendes unha selección de libros para poder ler.
Felices lecturas!
Esta venres estiveron con nós Tania e Vanessa, as mamás de Mateo e Leire de 1º B.
Amablemente ofrecéronse a
colaborar coa biblioteca escolar realizando unha sesión de contacontos para o
alumnado de 1º de primaria.
Fixérono xenial! As nenas
e nenos participaron activamente e pasárono
de marabilla.
Dende a Biblioteca queremos
agradecerlles o seu tempo e a súa boa disposición.
Mil
grazas ás dúas!
As nosas
axudantes de Biblioteca de 6º curso deseñaron un cartel conmemorativo que
durante este mes nos dará a benvida á Biblioteca do Padín Truiteiro e dentro
dela seguro que poderedes atopar algún libro de ciencia e experimentos do voso
interese.
Nestes
días xa foron moitas as nenas e nenos que se animaron a entrar, buscar e experimentar coa ciencia.
Atrevédevos!
Xa está todo listo
para comezar co Club de Lectura “Compartindo Aventura”.
Este ano contaremos
novamente con dous grupos de 7 alumnas e alumnos cada un.
O vindeiro luns teremos a primeira sesión na
Biblioteca de Infantil.
Esperamos que resulte unha experiencia
positiva e enriquecedora para todas e todos.
Empezamos
coa aventura!
En definitiva, nela
poderedes depositar calquera idea que queirades aportar e que nos axude a
mellorar esta Biblioteca que é de todas
e todos vós.
Nas misivas deberedes indicar o voso nome e curso para que,
de ser posible, vos poidamos dar resposta.
Agardamos que vos animedes
a escribirnos!
Como nos atopamos preto do Samaín, hoxe trouxéronnos unha proposta de actividade plástica coa que o alumnado de 1º e 2º de primaria puido desenvolver a súa imaxinación e creatividade.
Moitas grazas ás dúas! Esperamos volver a tervos con nós en vindeiras ocasións!
Entramos na semana do Samaín e, coma cada ano, no panel de exposicións da biblioteca espéravos unha boa selección de libros cos que morrer de medo.
Animádevos a entrar e a
buscar o que mellor se adapte aos vosos gustos!
“Los
libros han sido perseguidos por toda clase de Estados y por toda clase de
religiones, pero esto no significa nada en comparación con lo que han sido
amados.(...) Y pese a quien pese, las bibliotecas inundan el mundo y las vemos
hasta en las calles y al aire libre de los jardines de las ciudades.”
Federico
García Lorca
O 24 de outubro conmemórase o Día das Bibliotecas en recordo da destrución da Biblioteca de
Saraxevo incendiada en 1992, durante a Guerra dos Balcáns.
Para conmemorar esta data, na Biblioteca do Padín Truiteiro quixemos rememorar o formidable discurso pronunciado por García Lorca na inauguración da Biblioteca da súa vila natal de Fuente Vaqueros.
Deixámosvos a continuación un vídeo gravado polo alumnado de 5º de Primaria con algún dos seus fragmentos máis significativos.
 |
| PREME NA IMAXE PARA VER O VÍDEO |
Ademais, as nosas
axudantes de Biblioteca de 6º curso deseñaron un fermoso cartel conmemorativo
que durante estes días nos dará a benvida á Biblioteca do Padín Truiteiro.
Coma cada ano dende o 2016, o luns máis achegado ao 15 de outubro celebramos en todas as bibliotecas o Día das Escritoras. A idea desta conmemoración xurdiu para reivindicar o labor e o legado das mulleres escritoras ao longo da historia.
Nesta sétima edición, na nosa biblioteca quixemos darlle especial visibilidade ás nosas escritoras, ás autoras galegas. Mulleres como Paula Carballeira, Fina Casalderrey, Ledicia Costas, Ánxela Loureiro, Teresa González Costa, Andrea Maceiras, An Alfaya, Uxía Casal, Eva Mejuto, Antía Yáñez, Rosa Aneiros, Concha Blanco, Gloria Sánchez, María Canosa... e tantas e tantas outras que nos ofrecen as súas obras para goce de todas e todos nós.
Tendes os libros á vosa disposición no panel de suxestións.
Despois
de varias semanas de reorganización dos espazos, colocación de novo mobiliario
e mellora da sinalización e da cartelería hoxe, por fin, a nosa Biblioteca
abriu de novo as súas portas.
Esta mañá tivemos unha
gran afluencia de alumnado. Todas e todos estaban desexando que a biblioteca
volvera ao seu horario normal en tempo de recreo.
Pero lembrade que tamén
estaremos abertos os luns, mércores, xoves e venres de 4 a 6 da tarde.
Esperámosvos!
Chegou o verán!
Despois deste ano de
traballo, chegan por fin as desexadas vacacións.
Dende o Equipo da Biblioteca queremos que a lectura e as ansias de coñecemento sigan formando parte das vosas vidas tamén durante este período estival. É por iso polo que escollemos unhas pequenas recomendacións lectoras coas que poder pasar uns bos momentos, aínda que calquera outro libro pode ser igualmente unha boa escolla.
Gozade do verán e da lectura e...
vémonos á volta das vacacións!!
Hoxe o alumnado de 4º de Primaria tivo un encontro con Antonio M. Fraga, autor da novela Papá Caníbal. O libro foi o escollido este curso para ler no seu club de lectura de aula e resultou un verdadeiro éxito.A enxeñosa e divertida novela arrancou as risas e fixo gozar a todas e todos coa súa lectura e por fin, esta mañá, as nenas e nenos de 4º tiveron ocasión de charlar sobre ela e sobre moitas outras cousas co seu creador.Resultou unha conversa moi interesante e ao finalizar o escritor asinou os exemplares do alumnado como un fermoso recordo deste encontro e desta lectura.
Dende a Biblioteca queremos agradecer a Lucas Fernández de 6ºB de Infantil, Dani Vidal e María Vidal de 4ºB, Sofía Pineda de 5ºA, Agustín Redondo, Adrián Martínez e José Álvarez de 5ºB, Noa Sanmartín de 6ºA e Carlota Acuña de 6ºC a súa participación no reto enviado para conmemorar o Día do Libro.
Deixámosvos a continuación os vídeos que nos achegaron como contribución persoal neste fermoso día.
Continuando coa celebración do Día do Libro e os Dereitos de Autor, esta mañá agardaba unha sorpresa na entrada da Biblioteca a todo o alumnado.
Achégase o 23 de abril,
Día do Libro, unha data especial para todas aquelas persoas amantes da lectura.
Mergullarse nas páxinas
dun bo libro, embarcarse nunha historia apaixonante, converterse en
coprotagonistas dun relato,... Non hai pracer comparable!
Coma cada ano, na
Biblioteca queremos render unha pequena
homenaxe a todos eses libros que nos proporcionan tantos sentimentos
indescritibles e emocións diversas. Por esa razón, hoxe lanzámosvos un novo
reto dende este espazo lector.
Que é para ti un libro?
Responde a esta sinxela
pregunta gravándote nun pequeno vídeo
caseiro e envíanos a túa resposta ao correo da biblio biblioteca.manuelpadintruiteiro@gmail.com.
Non esquezas incluír no correo o teu nome e curso.
O prazo de presentación
rematará o 23 de abril, Día do Libro, ás 12 da noite.
A actividade está aberta a
toda a comunidade escolar e os vídeos recibidos colgaranse no blog da Biblio a
vindeira semana.
Esperamos impacientes as vosas achegas!
