Dende o Equipo de
Biblioteca tentamos mellorar continuamente a atención e o servizo que vos ofrecemos.
Con esa intención vimos de colocar unha pequena caixa de suxestións para que nos fagades chegar as vosas opinións e
pedimentos. Nela poderedes solicitar a merca dalgún libro que vos interese e
non teñamos, indicarnos as vosas queixas por algo que consideredes que non
funciona ben e se pode mellorar, facer propostas de actividades que pensades
que serían interesantes para a biblioteca ou o centro,... e, por suposto, tamén
aceptamos algún que outro eloxio!
En definitiva, nela
poderedes depositar calquera idea que queirades aportar e que nos axude a
mellorar esta Biblioteca que é de todas
e todos vós.
Nas misivas deberedes indicar o voso nome e curso para que,
de ser posible, vos poidamos dar resposta.
Agardamos que vos animedes
a escribirnos!
Ningún comentario:
Publicar un comentario