As “científicas italianas” María,
Lucía e Esther visitaron a nosa biblioteca.
Tras unha presentación en vídeo, pasaron
a poñer en práctica unha morea de experimentos cos que fixeron as delicias do
alumnado. Entre outras cousas, puideron experimentar
reaccións como as do leite con deterxente, observar os efectos do magnetismo ou
comprobar a erupción dun verdadeiro volcán.
Foi todo un pracer recibilas e un
orgullo para as súas fillas, Carmen, Zeltia e Vega.
Volvede sempre que queirades!
O 13 de febreiro celebramos o Día
Mundial da Radio para pór en valor a importancia da radio como medio de
comunicación, educación e unión entre pobos e culturas.
A data foi elixida para
conmemorar o nacemento da Radio das Nacións Unidas en 1946, recoñecendo o seu
papel na difusión de información, o entretemento e a educación a nivel mundial,
así como a súa contribución á paz e o entendemento entre as nacións.
O portal Escolas nas Ondas emite
este venres diversos traballos escolares para festexar esta data.
Deixámosvos aquí o enlace, clicando na imaxe, por se resulta do voso interese.
Menuda sorpresa recibiron esta
mañá Carmen e as súas compañeiras e compañeiros de 5º de infantil!
Na biblioteca estaban María, a mamá de
Carmen, e Julia, a súa irmá maior, dispostas a contarlles un conto... en
italiano!
Preparadas con varios monicreques
representativos das personaxes, ambas fixeron as delicias da cativada coa historia
de A
Eiruguiña comellona ou Il piccolissimo Bruco Maisazio.
Moitísimas grazas ás dúas por axudarnos a viaxar polo mundo tamén a través dos contos.
O vindeiro luns comeza a semana do entroido na escola e con ela as ordes do noso meco particular para cada día da semana.
Recoñecédela?
Anticipándonos
á data, hoxe recibimos na biblioteca a visita de Paula Rodiño e Silvia Amoedo, mamás
do noso cole e traballadoras no ámbito científico. Viñeron para falar co
alumnado de 1º ciclo sobre virus e bacterias, a súa función, propagación e
maneiras de evitar as máis prexudiciais para a saúde.
Despois da
conversa e dunha pequena presentación, finalmente as nenas e nenos realizaron
unha actividade práctica para recoller mostras coas que observar o crecemento
ou non das bacterias ao cabo do tempo.
En breve
volverán visitarnos para poder comprobar co alumnado os resultados obtidos.
A
rapazada aprendeu e pasouno moi ben e, dende a biblioteca, queremos agradecerlles
a Silvia e a Paula a súa desinteresada colaboración.
Poderedes
atopar contos, narracións, manualidades ou algúns libros cos que aprender máis
sobre as distintas variedades desta tradición tan nosa.
Esperamos
que vos gusten!
