Rematamos o trimestre cun novo
programa de radio, nesta ocasión conducido polo alumnado de 5º A.
Non perdades as novas deste mes
nin a colaboración especial do alumnado de 6º B de Infantil que nos entusiasmou
coa súa narración do conto A toupeira
Rosa!
Xa podedes acceder ao programa completo na lapela de Radio Negueirós.
Este venres, 27 de marzo,
conmemoramos o Día Mundial do Teatro cunha actividade moi especial.
O alumnado de 1º, 2º e 3º tivo o
pracer de asistir á representación teatral de Tespis e o seu carro,
unha obra orixinal escrita e dirixida por Andrea Castro, directora da Escola
Municipal de Teatro de Soutomaior.
A rapazada asistiu moi atenta ao
espectáculo, onde nos falaron do nacemento do teatro e a historia das súas
orixes a través dunhas peculiares personaxes que representaban a Comedia, a
Traxedia, a Música e o Mimo.
Ao rematar a historia, pasárono
xenial cantando e acompañando as compoñentes do grupo teatral.
Moitísimas grazas a Rocío, Suso,
Melchor, Marcos e, por suposto, a Andrea por acoller tan positivamente a nosa
proposta e ofrecernos un espectáculo tan divertido e marabilloso.
Estamos desexosas de volver contar con vós en vindeiras ocasións.
A agraciada foi Mª Carmen Granja
Míguez, de 3º B, e esta mañá pasou pola biblioteca para recoller o seu
agasallo.
Andrea García Martínez é a autora
de Animais
fantásticos de aldea, un libro cheo de misterio e imaxinación que
gustou moito ás compoñentes do club.
Xa estamos desexando empezar unha
nova aventura!
Esta mañá o alumnado de 5º
participou nun obradoiro de radio impartido polo actor e formador de voz e
podcasts, Damián Alonso.
Tras ofrecer unha formación sobre
como preparar un guión, a elaboración dos textos ou o manexo da voz e dos
nervios, o alumnado dividiuse en equipos para poñer en práctica todo o aprendido.
Cada grupo acordou, redactou e elaborou
o seu propio programa de radio e posteriormente manexaron a mesa e os equipos para
gravar o seu propio podcast orixinal.
A actividade resultou moi amena e
produtiva e o alumnado pasouno xenial.
Foi un pracer contar de novo contigo, Damián! Ata outra!
Cora xa fixo unha selección de
libros para que poidades mergullarvos nun mundo no que o que prima é a
ilustración e o humor.
Pasade pola biblioteca e
collede o que máis vos apeteza. Hai algunhas novidades!
Esta mañá o alumnado de 1º ciclo visitou
a Biblioteca Luis Seoane para asistir a unha sesión de contacontos a cargo de
Ángeles Escribano Guiance.
Patri, a nosa bibliotecaria de
referencia, deunos a benvida, e Ángeles entregounos unhas entradas moi
especiais para asistir ao seu espectáculo de “Había una vez”.
Coma sempre, queremos agradecer as
propostas de colaboración e a boa acollida que sempre nos ofrecen na Biblioteca
Pública do noso concello.
Volveremos!
Antón e Aixa, de 3º, foron os
colaboradores especiais desta semana para a
sección de Radio Conto.
Xa podedes escoitar o programa ao
completo na nosa lapela de Radio Negueirós.
Esperamos que vos guste!
Cada 8 de marzo rememoramos a
loita histórica das mulleres pola igualdade de dereitos, pola mellora das súas
condicións laborais e polo recoñecemento da súa participación social.
E para aprender máis sobre a
importancia e as aportacións da muller ao longo da historia, Cora xa ten
preparada unha selección de obras para todas as idades.
Pasade pola biblioteca!
