CIENCIA NA BIBLIO

Seguindo en febreiro coas conmemoracións do Día Internacional da Muller e a Nena na Ciencia, esta mañá visitounos Cristina, nai de Teo, de 1º B, para realizar co alumnado de 1º unha chea de experimentos que fixeron as delicias de todas e todos.

A rapazada aprendeu a crear e acender un volcán, a inchar un globo sen usar a boca ou a facer un arco da vella cun calcetín vello.

Pasárono xenial e dende a biblioteca queremos agradecerlle a Cristina a súa colaboración. Esperamos volver a tela con nós en vindeiras ocasións.

DÍA MUNDIAL DA RADIO

O 13 de febreiro celebramos o Día Mundial da Radio para pór en valor a importancia da radio como medio de comunicación, educación e unión entre pobos e culturas.

A data foi elixida para conmemorar o nacemento da Radio das Nacións Unidas en 1946, recoñecendo o seu papel na difusión de información, o entretemento e a educación a nivel mundial, así como a súa contribución á paz e o entendemento entre as nacións.

O portal Escolas nas Ondas emite este venres diversos traballos escolares para festexar esta data.

Deixámosvos aquí o enlace, clicando na imaxe, por se resulta do voso interese. 

ENTROIDO 2026

 E por fin chega o gran día!

UN CONTO EN ITALIANO

Menuda sorpresa recibiron esta mañá Carmen e as súas compañeiras e compañeiros de 5º de infantil!

Na biblioteca estaban María, a mamá de Carmen, e Julia, a súa irmá maior, dispostas a contarlles un conto... en italiano!

Preparadas con varios monicreques representativos das personaxes, ambas fixeron as delicias da cativada coa historia de A Eiruguiña comellona ou Il piccolissimo Bruco Maisazio.

Moitísimas grazas ás dúas por axudarnos a viaxar polo mundo tamén a través dos contos.

 

ENTROIDO 2026

E este xoves... como vos dea a gana!            

ENTROIDO 2026

Este mércores...

ENTROIDO 2026

 E para o martes...

OS MANDADOS DO ENTROIDO 2026

O vindeiro luns comeza a semana do entroido na escola e con ela as ordes do noso meco particular para cada día da semana.

Recoñecédela?

MES DA MULLER E A NENA NA CIENCIA

O día 11 de febreiro conmemoramos o Día Internacional da Muller e a Nena na Ciencia.

Anticipándonos á data, hoxe recibimos na biblioteca a visita de Paula Rodiño e Silvia Amoedo, mamás do noso cole e traballadoras no ámbito científico. Viñeron para falar co alumnado de 1º ciclo sobre virus e bacterias, a súa función, propagación e maneiras de evitar as máis prexudiciais para a saúde.

Despois da conversa e dunha pequena presentación, finalmente as nenas e nenos realizaron unha actividade práctica para recoller mostras coas que observar o crecemento ou non das bacterias ao cabo do tempo.  

En breve volverán visitarnos para poder comprobar co alumnado os resultados obtidos.

A rapazada aprendeu e pasouno moi ben e, dende a biblioteca, queremos agradecerlles a Silvia e a Paula a súa desinteresada colaboración.

ACHÉGASE O ENTROIDO!

Xa temos preto o entroido e Cora escolleu algunhas recomendacións que tendes á vosa disposición no taboleiro de suxestións.

Poderedes atopar contos, narracións, manualidades ou algúns libros cos que aprender máis sobre as distintas variedades desta tradición tan nosa.

Esperamos que vos gusten!