DÍA DA MULLER E A NENA NA CIENCIA

ENTREGA DE PREMIOS

Esta mañá fixemos entrega dos premios aos mellores retos de Nadal.

As agraciadas foron as seguintes alumnas e alumnos.

Na categoría de poesía:

• Teo Acuña, de 6ºB de infantil.
• Amelia Luchón, de 2ºB de primaria.
• Isak El Ouahidi, de 3ºA de primaria.
• Salomé Zoe Luchón, de 4ºB de primaria.
• Ía García, de 5ºA de primaria.
• Paula Gómez, de 6ºA de primaria

No apartado de banda deseñada:

• Daniela da Silva, de 6ºB de infantil.
• Xandre Reinaldo, de 1ºB de primaria.
• Aixa Couceiro, de 2ºA de primaria.
• Noelia Suárez, de 3ºA de primaria.
• Yago Varela, de 6ºA de primaria.

Parabéns aos afortunados e moitas grazas a todas e todos os que vos animastes a participar na iniciativa!

30 DE XANEIRO, DÍA DA PAZ

Próximos ao 30 de xaneiro, Día Escolar da Non Violencia e a Paz, Cora empezou a seleccionar algúns libros para conmemorar esta data que pretende pór en valor cuestións tan importantes como a amizade, a tolerancia, o respecto ou a solidariedade.

Téndelos á vosa disposición no panel de exposicións da biblioteca.

SCAPE BOOK NO CLUB DE LECTURA

Despois de ler un clásico da nosa literatura como xa o é O misterio das badaladas, de Xabier P. Docampo, este venres os membros do club de lectura de 6º participaron nun scape book na biblioteca central.

Seguindo todas as pistas, conseguiron resolver os enigmas propostos e chegar á solución final, pero acadar a esperada recompensa custoulles un chisco máis.

Finalmente lograron atopar o código secreto que abría o cofre do tesouro e gozar do seu merecido premio.

Espero que o pasarades moi ben co xogo!

NOVAS BOLSAS VIAXEIRAS

As novas bolsas viaxeiras de Cora están chegando xa ás casas de infantil e primaria.

Van cheas de ilusión e esperamos que vos gusten e as gocedes en familia.

Coma sempre, agardamos que nos axudedes a valoralas e melloralas cubrindo o caderno viaxeiro coas vosas impresións, suxestións, críticas, debuxos, fotos,...

UNHA HEROÍNA NO NADAL

  Aquí están os traballos participantes no noso reto de Nadal.

Opción 1: Poema

Ampliar

Opción 2: Banda deseñada.

Ampliar

Leer más publicaciones en Calaméo

CONTAMOS CONTOS NO NADAL

O mércores e o xoves  tivemos sesións de contacontos. Nenos e nenas de 4º, 5º e 6º de Primaria contaron contos, algúns creados polo propio alumnado, que fixeron as delicias dos nenos e nenas de infantil e 1º, 2º e 3º de primaria. 

Parabéns a todas e todos polo magnífico traballo!!!

AMPLIAR

APADRIÑAMENTOS LECTORES

Esta mañá Saray, Ero e Nerea foron as madriñas e padriño lector do alumnado de Infantil. Achegáronse a contarlles Cocorico e os peques pasárono fenomenal.

Moitas grazas! Fixéstelo de marabilla!

LECTURAS PARA O NADAL

Dende a Biblioteca queremos animarvos a incluír na carta para o Apalpador, Papá Noel ou os Reis Magos a petición dun libro como agasallo.

Deixámosvos aquí algunhas suxestións a ter en conta para que as incorporedes entre os vosos desexos.

AMPLIAR

APADRIÑAMENTOS LECTORES

Hoxe Xián e Laura achegáronse a 4º de Infantil para contarlles aos peques a historia de O avó de Zulaimar.

Fixérono xenial e xa estamos desexando que volvan outro día.

Parabéns e moitas grazas aos dous!

CONCURSO: UNHA HEROÍNA NO NADAL

 Un novo reto dende a biblioteca para este Nadal.

VER EN PANTALLA COMPLETA

RECOMENDACIÓNS DE NADAL

Cora estavos esperando xa coas súas recomendacións de Nadal para estes días.

Pasádevos pola biblio!!!

TODAS E TODOS BAIXO O MESMO PARAUGAS

 

Hoxe, martes 3 de decembro, conmemórase o Día Internacional da Diversidade Funcional para lembrarnos que, independentemente da nosa condición física e persoal, temos moito que aportar. Porque todas e todos somos diferentes, pero contamos por igual.

Na nosa escola quixemos visibilizalo coa actividade proposta dende o Departamento de Orientación “Todas e todos baixo o mesmo paraugas”. E dende a biblioteca quixemos aportar o noso granciño de area cunha pequena exposición de libros para traballar nas aulas ou levar ás nosas casas.

Convidámosvos a collelos!

APADRIÑAMENTOS LECTORES

Esta mañá comezamos de novo coa actividade dos apadriñamentos lectores. Nesta primeira sesión foron Ana e Antón, de 4º A, os que se achegaron ás aulas de 4º de Infantil para facer as delicias da cativada co conto Monstro Azul.

Dende a biblioteca queremos agradecer a Antón e a Ana a súa participación voluntaria e desinteresada.

Seguiremos contando con vós!

    3 DE DECEMBRO, DÍA DA DIVERSIDADE FUNCIONAL

No taboleiro de recomendacións da biblioteca tendes á vosa disposición algunhas suxestións para conmemorar o Día da Diversidade Funcional.

Esperamos que vos sexan de proveito!