Aínda que o Día de Rosalía
coincidiu este ano como non lectivo, o noso alumnado non esqueceu honrar, como
xa é habitual, a súa figura. Dende os máis cativos de Infantil ata os maiores
de 6º gozaron estes días da obra da nosa escritora máis senlleira.
Todas e
todos quixeron homenaxeala con diferentes producións: recreación dalgún dos
seus poemas para agasallar con el algún ser querido, realización dalgún conto
sobre a autora, creacións libres e imaxinativas...
Preto xa da celebración do
8 de marzo, hoxe máis ca nunca segue a ser necesario reivindicar a figura de
Rosalía de Castro como escritora e como muller librepensadora e comprometida.
Ela foi e segue a ser un referente da nosa cultura que nos inspira a manter a
nosa autoestima como pobo e a reafirmar orgullosamente
a dignidade da nosa lingua.
Ningún comentario:
Publicar un comentario