Este mércores, 4 de marzo,
o alumnado de 6º tivo o pracer de recibir á autora Rosa Aneiros e partillar con
ela reflexións e anécdotas arredor do seu fermoso libro Xelís, o guieiro das botellas de
mar.
A trama do libro, cunha apaixonante
viaxe chea de valores ecoloxistas, logrou atrapar dende o primeiro intre o
interese dos nosos xoves lectores.
A escritora comezou o
encontro dicindo que viña ao cole para que foran as rapazas e rapaces os que lle
contaran cousas do seu libro e non para falar ela. Deste modo captou a atención
do alumnado e iniciou con el unha interacción que fixo da charla unha
actividade moi dinámica e amena.
A sinxeleza e proximidade
da autora, quen ao rematar o encontro asinou os exemplares das nenas e nenos engadíndolles
unha dedicatoria personalizada, conquistounos a todos.
Moitas grazas, Rosa!
Ningún comentario:
Publicar un comentario