ENTROIDO 2025

ENTROIDO 2025

 O XOVES VEN COMO QUEIRAS.

ENTROIDO 2025

O MÉRCORES ENGADIMOS UN MANDIL

XA ANDAMOS DE ENTROIDO!

 

Andamos de entroido e no taboleiro de recomendacións da biblioteca tendes á vosa disposición algunhas suxestións con lecturas, manualidades ou para aprender máis sobre esta tradición tan nosa.

Esperamos que vos gusten!

ENTROIDO 2025

O MARTES UN PANO NA CABEZA E UNHA SAIA

ENTROIDO 2025

Comeza o Entroido e este ano é María Vinyals quen fai os mandados.

O LUNS UN PANO NA CABEZA

23 DE FEBREIRO, DÍA DE ROSALÍA

"Cantar t´ei Galicia,

Na lengua gallega,

Consolo dos mares,

Alivio das penas"

                    Rosalía de Castro

Esta mañá Cora puxo á vosa disposición no taboleiro de suxestións da Biblioteca as obras de e sobre Rosalía para poder ler, reflexionar, aprender e traballar nas aulas.

UNHA SESIÓN DE ASTRONOMÍA

Para rematar esta semana da Muller e a Nena na Ciencia, hoxe o alumnado de 5º e 6º de infantil recibiu a visita de Loli, a nai de Aritz, que veu contarnos un montón de cousas sobre astronomía.

Loli é membro da Asociación Astronómica Sirio de Pontevedra, unha organización sen ánimo de lucro que, dende 1999, pretende divulgar o coñecemento da astronomía entre a poboación de calquera idade.

Esta mañá Loli falounos das mulleres astrónomas e, dun xeito moi visual e atractivo, atrapou o interese das cativas e cativos, que non deixaron de facerlle preguntas do máis interesante.

Ao remate da sesión, deixounos de agasallo un par de libros para a biblioteca escritos, como non podía ser doutro xeito, por dúas mulleres: El Universo, de Nanda Rea, e Canto Cosmos, de Estíbaliz Espinosa.

Seguiremos contando contigo. Mil grazas, Loli!

APRENDEMOS MÁIS SOBRE VIRUS E BACTERIAS

Hoxe Claudia, a mamá de Amelia Luchón, de 2º B, visitou a nosa biblioteca para explicarlle ao alumnado de 2º a diferenza entre virus e bacterias, os cinco medios polos que se contraen os virus e as formas de evitalos para non enfermar.

Para rematar, as nenas e nenos puideron comprobar algunha das explicacións cun pequeno experimento para ver como o xabón elimina microorganismos  e serve para evitar a transmisión dos virus.

Foi unha charla moi interesante e desde a Biblioteca agradecemos a colaboración de Claudia na educación da nosa rapazada.

MULLERES ARQUITECTAS

Para conmemorar o Día Internacional da Muller e a Nena na Ciencia, dende a biblioteca convidamos algunhas nais do noso alumnado a participar na promoción da actividade científica como profesión de futuro tamén para as mulleres.

Esta mañá estivo con nós María, a nai de Alicia, Manu e Raúl, para realizar un obradoiro de construción co alumnado de 1º de primaria. Ela é arquitecta técnica e ensinounos distintos aspectos do seu oficio e a súa importancia, sen esquecer o valor do traballo e a necesidade de obter un salario ao remate do mesmo.

As nenas e nenos de 1º fixérono tan ben que recibiron o seu soldo en forma de chocolatina.

Moitas grazas pola túa colaboración, María!

DÍA DA MULLER E A NENA NA CIENCIA

ENTREGA DE PREMIOS

Esta mañá fixemos entrega dos premios aos mellores retos de Nadal.

As agraciadas foron as seguintes alumnas e alumnos.

Na categoría de poesía:

• Teo Acuña, de 6ºB de infantil.
• Amelia Luchón, de 2ºB de primaria.
• Isak El Ouahidi, de 3ºA de primaria.
• Salomé Zoe Luchón, de 4ºB de primaria.
• Ía García, de 5ºA de primaria.
• Paula Gómez, de 6ºA de primaria

No apartado de banda deseñada:

• Daniela da Silva, de 6ºB de infantil.
• Xandre Reinaldo, de 1ºB de primaria.
• Aixa Couceiro, de 2ºA de primaria.
• Noelia Suárez, de 3ºA de primaria.
• Yago Varela, de 6ºA de primaria.

Parabéns aos afortunados e moitas grazas a todas e todos os que vos animastes a participar na iniciativa!

30 DE XANEIRO, DÍA DA PAZ

Próximos ao 30 de xaneiro, Día Escolar da Non Violencia e a Paz, Cora empezou a seleccionar algúns libros para conmemorar esta data que pretende pór en valor cuestións tan importantes como a amizade, a tolerancia, o respecto ou a solidariedade.

Téndelos á vosa disposición no panel de exposicións da biblioteca.

SCAPE BOOK NO CLUB DE LECTURA

Despois de ler un clásico da nosa literatura como xa o é O misterio das badaladas, de Xabier P. Docampo, este venres os membros do club de lectura de 6º participaron nun scape book na biblioteca central.

Seguindo todas as pistas, conseguiron resolver os enigmas propostos e chegar á solución final, pero acadar a esperada recompensa custoulles un chisco máis.

Finalmente lograron atopar o código secreto que abría o cofre do tesouro e gozar do seu merecido premio.

Espero que o pasarades moi ben co xogo!

NOVAS BOLSAS VIAXEIRAS

As novas bolsas viaxeiras de Cora están chegando xa ás casas de infantil e primaria.

Van cheas de ilusión e esperamos que vos gusten e as gocedes en familia.

Coma sempre, agardamos que nos axudedes a valoralas e melloralas cubrindo o caderno viaxeiro coas vosas impresións, suxestións, críticas, debuxos, fotos,...