Hoxe estivo con nós Lluvia Domínguez, a mamá de Teresa, de 3º B.
Esta mañá veu á biblioteca para falarlles ás
nenas e nenos de 3º en que consiste o seu oficio. O alumnado tivo oportunidade
de poñer en práctica diversos experimentos con metais e imáns e aprenderon
moitísimas cousas e curiosidades sobre a vida mariña.
Animádevos a botarlles un ollo. Seguro que atopades algo do voso agrado ou interese.
O alumnado de 1º de
Primaria ten todas as semanas unha sesión de robótica con Bee bots na
Biblioteca Central.
Grazas a estes robots
educativos, as nenas e nenos reforzan contidos da aula, aumentan e melloran o vocabulario
en galego e, ao mesmo tempo, traballan a orientación espacial.
A encargada de impartir a
actividade, ao igual que fixo o curso pasado, é a mestra Olalla.
As sesións realízanse con
grupos reducidos, alternando os equipos de cada aula semanalmente, e a cativada
pásao xenial.
Coma todos os anos, e en colaboración co Equipo de Dinamización da Lingua Galega, no Manuel Padín Truiteiro celebramos o Día de Rosalía co intercambio de agasallos entre o alumnado dos distintos cursos.
Desde Infantil ata 6º de Primaria, cada nena e neno confeccionou a súa flor con diversas técnicas de manualidades e escribiu algunha estrofa dos poemas da nosa ilustre escritora para entregar como agasallo a outra compañeira/-o de xeito aleatorio.
Coma sempre, as flores resultaron do máis colorido e creativo.
Parabéns a todas e todos e...
Feliz Día de Rosalía!
Esta mañá gozamos dunha sesión de teatro de monicreques para todos os niveis da man de Tanxarina, a compañía de teatro redondelá con máis de 35 anos de experiencia en facer rir ao público infantil.
A actividade levouse a cabo grazas á colaboración do Equipo de Dinamización da Lingua Galega e a Biblioteca Escolar.
“Eu son libre, nada pode conter a marcha dos meus pensamentos e eles son a lei que rexe o meu destino.”
Rosalía de Castro.
Estes días tendes xa á vosa disposición na Biblioteca as obras de Rosalía para poder ler, reflexionar e traballar nas aulas.
.jpg)
Esta mañá recibimos na biblioteca a visita de Claudia Bedoya, de profesión doutora e nai de Zoe, de 3º B.
Falounos de virus e bacterias e da importancia da vacinación. Tamén fixo reflexionar as nenas e nenos sobre a necesidade do lavado de mans e dunha boa hixiene xeral.
De xeito práctico, ensinoulles ás nenas e nenos de 3º algunhas técnicas que poden axudar a salvar vidas. Aprenderon a alertar ao 112 en caso de emerxencia, a realizar unha reanimación cardiopulmonar (RCP), a pór en posición lateral de seguridade a unha persoa inconsciente ou como atender un atragoamento imprevisto.
Este ano comezamos o club de lectura de 5º cun libro fácil de ler e que gustou moito a todas as participantes.
Deixámosvos a continuación
a súa recomendación.
Se vos interesa non dubidedes en pasar pola biblio.
Este ano é Cora a que, co seu disfrace de pirata, dá os mandados.
Podemos vir disfrazados como queiramos durante a semana.
Xa
estamos en tempo de entroido e, coma cada ano, Cora seleccionou para vós
algunhas lecturas que xa están no panel de exposicións da biblioteca.
Esperamos que vos agraden!
Cada 30 de xaneiro dende o ano 2013, coincidindo coa data na que se pensaba que nacera Castelao, celébrase en Galicia o Día da Ilustración.
Para celebralo presentámosvos un traballo que nos fixo chegar Lola, de 5ºB, e que nos pareceu verdadeiramente magnífico.
Moitas grazas, Lola, por tan fermoso traballo. Estamos seguros de que, se ti queres, tés futuro no mundo do libro e da ilustración.
Parabéns!
Esta mañá fixemos entrega dos premios ao reto de Nadal deste ano. Aínda que foron poucos os participantes, a calidade dos traballos presentados era tan boa que se decidiu outorgar máis dun premio por nivel.
Os agasallos foron entregados a:
Hoxe as nenas e nenos de Infantil recibiron unha inmensa sorpresa cando volveron á súa biblioteca.
Despois de permanecer pechado durante uns días, esta mañá reabrimos o espazo infantil tras unhas obras de reacondicionamento que consistiron no pintado dun mural, a merca de novo mobiliario e algunhas pezas de decoración como uns coxíns e unha alfombra novas.
O mural foi realizado polo noso artista local Emilio Luna que fixo un traballo espectacular. Este é o resultado:
Foi un bonito agasallo do que esperamos que todas e todos poidades gozar moito tempo.
No Club de Lectura “Compartindo Aventura” iniciamos esta semana a un novo libro: Eu son A, de Steve Tasane.
Unha lectura axeitada para estas datas próximas á conmemoración do Día da Paz e da que vos daremos a nosa opinión cando rematemos o libro.
