Do 9 ao 13 de marzo
estaban previstas toda unha serie de actividades para celebrar a Semana da
Diversidade sexual e Familiar.
Dende a biblioteca
expuxéronse unha selección de libros encamiñados a traballar co alumnado a
temática da diversidade sexual, os diferentes tipos de familia e, ante todo, o
respecto polas diferenzas.
Dende os máis cativos de
Infantil ata os maiores usaron estes libros na aula ou pasaron pola Biblioteca
acompañados das súas titoras e titores para coñecer algunhas das historias e
reflexionar xuntos sobre elas.
Leváronse a cabo sesións
de contacontos tanto no espazo infantil como na Biblioteca central.
Ademais, nas aulas
realizáronse diversas actividades formativas e de creatividade. A intención era
pór unha pequena semente no noso alumnado co fin de formar uns futuros adultos máis
tolerantes e empáticos.
(Música Titiritesa por Almudena Janeiro-Contos en Cantos)
O venres, 13, estaba
previsto montar un mural no patio cos traballos realizados nas aulas ao longo
de toda a semana. O anuncio da suspensión das clases impediu que se rematara,
pero á volta tentaremos retomar o tema e ensinarvos aquí o chulo que quedou.
Ningún comentario:
Publicar un comentario