O noso proxecto de centro
para este ano académico 2021-2022 leva por título O Renacer do Castelo e ao
longo do seu desenvolvemento tentaremos profundar no coñecemento da historia
local de Soutomaior e das ilustres persoas que habitaron e engrandeceron aínda
máis o noso magnífico castelo.
Tras os escuros séculos de
abandono despois do matricidio perpetrado polo neto de Pedro Madruga, unha nova
época de esplendor comeza na segunda metade do século XIX da man do VIII
Marqués de la Vega de Armijo.
Ao longo dos distintos
trimestres iremos dando conta dos traballos de investigación e descubrimentos do
noso alumnado.
Ningún comentario:
Publicar un comentario