O Día das Escritoras é unha iniciativa promovida pola Biblioteca
Nacional de España desde o ano 2016. Con
ela búscase reivindicar o labor e o
legado das escritoras a través da historia.
Como en edicións
anteriores, a data elixida é o luns lectivo máis cercano á festividade de
Teresa de Jesús (15 de outubro), polo que este ano 2021 celébrase o 18 de outubro.
O lema escollido
para esta VI edición foi "Ler
as idades da vida" e
inspirándonos nel queremos propoñervos o primeiro reto deste curso.
Sen quitarlle importancia a ningunha escritora, no idioma que sexa,
dende a Biblioteca Escolar parécenos imprescindible que se visibilice a obra das escritoras galegas. Por iso, o reto que vos lanzamos é que vós e as distintas xeracións da vosa
familia (nais, pais, avoas, avós irmáns menores ou maiores,...) nos recomendedes
cadanseu libro dalgunha escritora galega
de calquera época. Como mínimo deben aparecer tres xeracións diferentes, co fin de
representar “As idades da vida”, e tres títulos ou escritoras.
Podedes mandarnos as
vosas propostas por escrito ou,
preferiblemente, gravar un breve vídeo coas vosas recomendacións.
Coma sempre, recibiremos os vosos envíos no correo da biblio,
biblioteca.manuelpadintruiteiro@gmail.com,
indicando no asunto RETO BIBLIOTECA. Non esquezades incluír o voso nome e
curso.
Colgaremos no blog da
biblioteca as propostas recibidas ata o luns, día 18.
Animádevos a participar!
Ningún comentario:
Publicar un comentario