mércores, 27 de abril de 2022

O DÍA DO LIBRO

Podedes ver as sesións de contacontos, feitas polo Día do Libro, das que se encargaron Lucas, Valeria, Ana e Rosalía de 1º B premendo nas imaxes.

"O MAGO POLBINI" POR LUCAS

"CINCENTA E AS ZAPATILLAS PELUDAS" POR ANA

"COCORICO" POR ROSALÍA

"A TARTARUGA QUE QUERÍA DURMIR" POR VALERIA

Foi unha actividade xenial !!!

martes, 26 de abril de 2022

QUE É PARA TI UN LIBRO

Dende a Biblioteca queremos agradecer a Lucas Fernández de 6ºB de Infantil, Dani Vidal e María Vidal de 4ºB, Sofía Pineda de 5ºA, Agustín Redondo, Adrián Martínez e José Álvarez de 5ºB, Noa Sanmartín de 6ºA e Carlota Acuña de 6ºC a súa participación no reto enviado para conmemorar o Día do Libro.

Deixámosvos a continuación os vídeos que nos achegaron como contribución persoal neste fermoso día.

venres, 22 de abril de 2022

ADOPTA UN LIBRO

 Continuando coa celebración do Día do Libro e os Dereitos de Autor, esta mañá agardaba unha sorpresa na entrada da Biblioteca a todo o alumnado.

As nenas e nenos de todos os niveis tiveron ocasión de escoller e levar para as súas casas un libro expurgado do catálogo da Biblioteca coa finalidade de darlles unha segunda vida.

A actividade foi un verdadeiro éxito!

martes, 19 de abril de 2022

QUE É PARA TI UN LIBRO?


Achégase o 23 de abril, Día do Libro, unha data especial para todas aquelas persoas amantes da lectura.

Mergullarse nas páxinas dun bo libro, embarcarse nunha historia apaixonante, converterse en coprotagonistas dun relato,... Non hai pracer comparable!

Coma cada ano, na Biblioteca queremos render unha pequena  homenaxe a todos eses libros que nos proporcionan tantos sentimentos indescritibles e emocións diversas. Por esa razón, hoxe lanzámosvos un novo reto dende este espazo lector.

Que é para ti un libro?

Responde a esta sinxela pregunta gravándote nun pequeno vídeo caseiro e envíanos a túa resposta ao correo da biblio biblioteca.manuelpadintruiteiro@gmail.com. Non esquezas incluír no correo o teu nome e curso.

O prazo de presentación rematará o 23 de abril, Día do Libro, ás 12 da noite.

A actividade está aberta a toda a comunidade escolar e os vídeos recibidos colgaranse no blog da Biblio a vindeira semana.

Esperamos impacientes as vosas achegas!

venres, 4 de marzo de 2022

8 DE MARZO, DÍA DA MULLER

Un ano máis, dende a Biblioteca queremos contribuír a  reivindicar o papel das mulleres na sociedade.

Foron e seguen a ser moitas as que merecen un recoñecemento polos seus logros ou a súa loita continua e deberían ter un lugar destacado na nosa historia.

Se queredes indagar e saber máis sobre moitas destas mulleres, tendes á vosa disposición no taboleiro de recomendacións da Biblioteca unha ampla selección de libros moi interesantes.

Animámosvos a vir, ollar e levar.

venres, 18 de febreiro de 2022

CHARLA SOBRE OS PERIGOS DE INTERNET

Na Biblioteca asistimos @s alumn@s de 6º a unha charla da Garda civil sobre os perigos de Internet sobre todo para @s nen@s.

Aprendemos a ter moito coidado cando entramos en páxinas nas que  compartimos fotos ou parte da nosa vida.
Debemos utilzar as novas tecnolóxías con moito coidado e procurar non estar moito tempo xogando na rede.

Aprendemos moitas cousas importantes para a nosa vida.

venres, 11 de febreiro de 2022

DÍA DA MULLER E DA NENA NA CIENCIA

Hoxe os alumn@s de 6º acudimos a unha charla moi interesante na Biblioteca do noso Centro.

Para conmemorar o Día Internacional da muller e da nena  na Ciencia, a Dra. en Biolóxía Paula Rodiño agasallóunos cunha charla  sobre a Misión biolóxica de Galicia así como  a investigación que se realiza para coñecer o segredo das nosas plantas.

Tamén nos explicou a importancia de conservar e  mellorar o medio ambiente e, como non, a importancia das mulleres científicas no mundo.

Foi unha xornada moi interesante!